Qoʻllash uchun yoʻriqnoma

BioarD3

Tarkibi

1 paketda 3 gramdan kam boʻlmagan kukun boʻlib u quyidagilarni oʻz ichiga oladi: glyukozamin sulfat-750 mg, xondroitin sulfat-400 mg, kalsiy karbonat-1300 mg, D₃ vitamini-500 МЕ, limon kislotasi-550 mg, shirinlatgich--q.s., smorodina aromatizatori-q.s.

 Farmakodinamika. Glyukozamin sulfat inson organizmida fiziologik jihatdan mavjud boʻlgan tabiiy aminomonosaxarid glyukozaminning tuzidir. Proteoglikanlar, glikozaminoglikanlar, gialuron hamda xondroitin sulfat kislotasi va boʻgʻim qobigʻi, boʻgʻim ichi suyuqligi va togʻay toʻqimasining tarkibiga kiruvchi boshqa moddalarni sintezini faollashtiradi; kollagen sintezini ragʻbatlantiradi. Bu togʻay metabolizmiga foydali ta’sir koʻrsatadi - sintez jarayonlarini kuchaytiradi va parchalanish jarayonlarini sekinlashtiradi, boʻgʻim boʻshligʻining oʻtkazuvchanligini oshiradi va sinovial membrana va boʻgʻim togʻay hujayralarida fermentativ jarayonlarni tiklaydi. U xondroprotektiv va osteotrop ta’sirga ega, suyak toʻqimasida kalsiyning toʻplanishini normallantiradi. U antioksidant faollik (superoksid radikallarining shakllanishini blokirovka qilish orqali) va lizosomal fermentlar faolligini kamaytirish orqali yalligʻlanishga qarshi kuchsiz ta’sir koʻrsatadi. Nosteroid yalligʻlanishga qarshi (NYQV) dorilar va glyukokortikosteroidlar (GKS) ta’siridan togʻay toʻqimasining metabolik shikastlanishini oldini oladi.

Xondroitin sulfat togʻay toʻqimasini qurilishida ishtirok etadigan yaqori molekulyar mukopolisaxarid hisoblanadi (togʻay matriksini hosil boʻlishi uchun qoʻshimcha substrat boʻlib xizmat qiladi). Xondroprotektor ta’sir koʻrsatadi, togʻay toʻqimasini regeneratsiyasini ragʻbatlantiradi, yalligʻlanishga qarshi va ogʻriq qoldiruvchi ta’sir koʻrsatadi. Togʻay toʻqimasida moddalar almashinuvini normallashtiradi, gialuronni hosil boʻlishini, proteoglikanlar va kollagenning II turini sintezini ragʻbatlantiradi; gialuronni fermentativ parchalanishdan, shu jumladan biriktiruvchi toʻqimani parchalanishiga olib keladigan lizosomal fermentlar tomonidan parchalanishdan himoya qiladi. Togʻay toʻqimalarida fosfor-kalsiy almashinuviga ta’sir qiladi, suyak rezorbsiyasini sekinlashtiradi va kalsiy yoʻqotilishini kamaytiradi, togʻay toʻqimalarning parchalanish jarayonlarini sekinlashtiradi. Biriktiruvchi toʻqimalarning siqilishini oldini oladi va boʻgʻim yuzalari uchun moylovchi rolini oʻynaydi, boʻgʻim suyuqligi shakllanishini normallashtiradi.
Glyukozamin sulfati va xondroitin sulfat biriktiruvchi toʻqimani biosintezida ishtirok etib, togʻayni parchalanish jarayonini oldini oladi va togʻay toʻqimasining regeneratsiyasini ragʻbatlantiradi, bu holat ogʻriq sindromining yaqqolligini kamayishiga va boʻgʻimlarning funksional xususiyatlarini yaxshilanishiga yordam beradi.

Kalsiy suyak toʻqimasining asosini tashkil etadi, qator muhim fermentlarning faoliyatini faollashtiradi, organizmda ionlar muvozanatini tutib turishda ishtirok etadi, nerv-mushak va yurak-qon tomir tizimlarida yuz beradigan jarayonlarga ta’sir qiladi.

D3 vitamini ingichka ichakda kalsiyni soʻrilishini oshirib, kalsiyni bogʻlovchi oqsillar sintezini ragʻbatlantiradi, buyrak naychalarida kalsiyni qayta soʻrilishini oshiradi. D3 vitamini osteoblastlar sintezini faollashtirishi orqali kollagenning I turi va matritsa oqsillari sintezini oshishi yoʻli bilan suyak toʻqimasini qayta modellanishi jarayonlarini faollashtiradi. Qalqonsimon bez, qalqonsimon oldi bezlari, jinsiy bezlarning funksional holatiga ta’sir qilib, skelet suyaklarining kalsifikatsiyasini ta’minlaydi.

Qoʻllanilishi

Biologik faol oziq-ovqat qoʻshimchasi sifatida - kalsiy va D vitaminining qoʻshimcha manbai, glyukozamin va
xondroitin sulfat manbai.

Boʻgʻimlar va umurtqa pogʻonasining degenerativ-distrofik kasalliklari: osteoartroz, umurtqa osteoxondrozi.

Boʻgʻimlar va umurtqa pogʻonasidagi ogʻriqni kamaytiradi (shu jumladan revmatoid artrit, ankilozlovchi spondiloartrit, osteoartrit , podagra artriti)

Qoʻllash tartibi:
Kattalarga: 1 paketdan kuniga 1-2 marta, xona haroratidagi 100 ml ichimlik suviga aralashtiriladi. Davolashning davomiyligi 1-6 oy. Zarurat boʻlganida, davomiyligi individual ravishda belgilanadigan takroriy davolash kurslarini oʻtkazish mumkin.
Qoʻllashdan oldin mutaxassis bilan maslahatlashish tavsiya etiladi.

Qoʻllash mumkin boʻlmagan holatlar

Tarkibiy qismlarga boʻlgan individual qabul qilolmaslik, homiladorlik, emizish, tromboflebit, qon oqishiga moyillik, gipervitaminoz D, giperkalsemiya , giperkaltsiuriya, nefrolitiaz, ogʻir buyrak yetishmovchiligi, silning faol shakli, sarkoidoz .

Saqlash sharoiti: bolalar qoʻli yetmaydigan, quruq (namlik 70%dan oshmagan) harorat 25°Cdan oshmagan sharoitda saqlansin.

Chiqarilish shakli: 20 sashe paket karton qutida qoʻllash uchun yoʻriqnoma bilan birga joylanadi. Retseptsiz beriladi. Mahsulot sertifikatlangan.

Yaroqlilik muddati: 24 oy

Ishlab chiqaruvchi: XK “VITALLY”, Oʻzbekiston, Toshkent viloyati, Yuqorichirchiq tumani, Sofdil, № 45

Tel.: +998909539005