SOFTALAKS

OʻZBEKISTON RESPUBLIKASI

SOGʻLIQNI SAQLASH VAZIRLIGI

                                                                                                                     Kelishilgan

                                                                                                                                                                                                 Oʻzbekiston Respublikasi

                                                                                                                                                                                                   Sogʻliqni Saqlash Vazirligi

                                                                                                                                                                                                        Davlat Bosh Sanitariya Vrachi

                                                                                                                                                                                                         __________ B.K. Yusupaliyev

                                                                                                                                                                                                                                                                    № 001978  07.11.2023

Foydalanish uchun qoʻllanma

Har bir tabletka tarkibi: natriy pikosulfati – 7,5 mg, inulin – 80 mg, pektin – 20 mg, kraxmal – q.s.,      MKS – q.s., kalsiy stearati – q.s.

Faol tarkibiy qismlarining xususiyatlari:

SOFTALAKS — bu ichak faoliyatini kompleks qo'llab-quvvatlash va organizmni samarali tozalash uchun mo'ljallangan BFQ.

Natriy pikosulfati: Yo'g'on ichakda mahalliy ta'sir ko'rsatib, uning shilliq qavatini rag'batlantiradi. Bu jarayon ichak harakatini (peristaltikasini) tezlashtiradi, ichakda suv va elektrolitlar to'planishiga yordam beradi. Natijada ich kelishi rag'batlanadi va axlat yumshab, ichak bo'ylab harakatlanishi yengillashadi.

Inulin: Tabiiy polisaxarid va prebiotik bo'lib, ichakning sog'lom mikroflorasini tiklashga yordam beradi. U organizmdan toksinlar va zararli moddalarni chiqarib tashlashda qatnashadi, moddar almashinuvini yaxshilaydi va ishtahani nazorat qilishga ko'maklashadi.

Pektin: Suv bilan o'zaro ta'sirga kirishganda gelga o'xshash tuzilma hosil qilish xususiyatiga ega. U ichak faoliyatini tabiiy tartibga soluvchi komponent hisoblanadi. Qabziyat holatlarida pektin ichak tarkibining hajmini oshirib, peristaltikani rag'batlantiradi va yumshoq surgi ta'sirini ko'rsatadi.

Qo'llanilishi

Quyidagi holatlarda parhezga qo'shimcha sifatida tavsiya etiladi:

·  Ichak tranzitini me'yorlashtirish va ich kelishini yengillashtirish uchun.

·  Organizmni toksinlar va "chiqindilar"dan (shlaklardan) tozalash dasturlarida (Detoks).

·  Ichakning sog'lom mikroflorasini qo'llab-quvvatlash va hazm qilishni yaxshilash maqsadida.

Qo'llash usuli va dozalari

·  Kattalarga: Kuniga 1 marta, 1 ta tabletkadan.

·  4 yoshdan oshgan bolalarga: Faqat mutaxassis tavsiyasi bilan kuniga 1/2 tabletkadan.

Qabul qilish vaqti: Mahsulotni kechqurun, uyqudan oldin qabul qilish tavsiya etiladi. Ich kelishi qabul qilgandan so'ng 10-12 soat o'tgach sodir bo'ladi.

Qo'llash mumkin bo'lmagan holatlar

·  Mahsulotning tarkibiy qismlariga nisbatan yuqori sezuvchanlik.

·  Ichak tutilishi.

·  Qorin bo'shlig'i a'zolarining o'tkir og'riqli yoki isitma bilan kechadigan kasalliklari (masalan, appenditsit).

·  Ichakning o'tkir yallig'lanish kasalliklari va kuchli suvsizlanish.

Chiqarilish shakli: 30 yoki 50 tabletkadan polietilen flakonda yoki blisterlarda karton qutida qoʻllash uchun yoʻriqnoma bilan birga ishlab chiqariladi.

Mahsulot sertifikatlangan.

Saqlash sharoiti. Quruq (namligi 70% dan koʻp boʻlmagan), bolalar qoʻli yetmaydigan joyda, 25°C dan yuqori boʻlmagan haroratda saqlang.

Yaroqlilik muddati: Ishlab chiqarilgan kundan boshlab 24 oy.

Ishlab chiqaruvchi: “VITALLY” XK, Toshkent sh., Yangi Toshkent tumani, Sofdil, №45.